Home About Out and About Events
Conversation
NCEA Have your say

1.  Te whakarite i te NCEA Taumata 1 hei tūāpapa

He wāhi tīmatanga te NCEA Taumata 1 mō te hunga puta noa i Aotearoa, ki ngā mahi NCEA, ka noho hei ākonga motuhake, e kitea ngā āheinga me ngā pūkenga ka whāia e rātou. Kia tutuki tēnei tū āhua, ka whakaritea ko te NCEA Taumata 1 he tohu 40 whiwhinga, ā, e rua ngā wāhanga – 20 whiwhinga ki te taha reo Matatini, Tātai nama, ā, 20 whiwhinga ki tētahi kaupapa. 

2.  Te Reo Matatini, Te Reo Pāngarau

Ka mōhio pai ngā wāhi mahi, ngā kura wānanga ko ngā ākonga ka whiwhi i te tohu NCEA, kua eke rātou ki ngā taumata i wawatahia. Mai i ngā mahi matihiko, te mātauranga tahua, ngā mahi hapori.  

3.  Te whakarite i ngā hononga pai mō te NCEA Taumata 2 me te  i tua atu i te kura

Ngā mahi akoako a te ākonga i tua i te akomanga – māna tonu a ia e kawe, e ārahi, ngā mahi i tua, ngā mahi hapori, ngā mahi pakihi, ēnei mea ka taea te whakarite mā te NCEA. Ka taea te whakauru whiwhinga ki ngā Taumata 2, Taumata 3 mai i te kaupapa ‘pathways opportunity’ pērā i ngā mahi rangahau, kaupapa hapori rānei, ākene ka whakawhiwhia ki tētahi tohu noa, ki tētahi mahi noa atu hoki.

4.  Te whakahāngai i ngā kaiako, me ngā kura ki ngā mahi akoako

Ko tā mātou hiahia kia hāngai ki ngā mahi whakaako, mahi akoako kounga rawa atu, hei aha ngā whiwhinga. Mā te hanga rauemi tautoko, arotakenga, aromatawai, arohaehae e māmā ake ai mō ngā kaiako te whakaako i ngā momo āhuatanga o te marautanga. Mā tēnei e whakakaha ake i ngā mahi whakaako, me te whakaiti i te taumaha o ngā mahi me te ahotea.

5.  Te whakarite i te Record of Achievement kia puta ngā  āheinga a te ākonga

Me whai hua tonu ngā pārongo ka puritia ki te Record of Achievement, e pā ana ki ngā āheinga me ngā aronga kē a te ākonga. Māmā noa te kite a ngā whānau, ngā wāhi mahi, ngā kura wānanga i ngā kōrero e pā ana ki te ākonga me ōna tutukitanga.

6.  Te tuku i ngā āraitanga o NCEA

Tōna tikanga mā te NCEA e puta ai te angitu i roto i a tātou ākonga. Kia hāngai ake ngā aromatawai, whakakorea ngā utu NCEA, kātahi ka whakarato ake i ngā rauemi hei tautoko ake i ngā ara, kia māmā ake te whai a ngā ākonga me ngā kaiako puta noa i Aotearoa.