Home About
E tele luitau fou i totonu o aʻoaʻoga ua aliae mai ona o le COVID-19 ma ua faateteleina le leaga i nisi o faiga e lē saʻo ma lē talafeagai o loo iai nei.

Pacific Education Innovation Fund 

Talu ona tulai mai le COVID-19 ua iloga foi le tele o faiga fou o loo faia nei e tagata Pasifika e mautinoa ai o loo auai, saogalemu ma manuia tamaiti aoga Pasifika ma aiga i totonu o aʻoaʻoga.

Mo le amanaiaina ma le lagolagoina o faiga fou nei, o le a toe tatala le Pacific Education Innovation Fund mo le 2021/22. E maʻoti lava le taulaʻi i faiga fou e lagolagoina ai le soifua manuia ma manaoga i mataupu aʻoaʻoina o tamaiti aoga Pasifika, ma o tulaga ua afaina ona o le COVID-19, e aofia ai gagana e lua e faaaogā ai gagana Pasifika ma aʻoaʻoga e aʻoaʻo i le gagana o mananao ai.

Matou te fia iloa auala eseese e atiae ai tomai, o le galulue soosoo tauau e faataunuu aʻoaʻoga mo tamaiti aoga Pasifika ma aiga, ina ia faaitiitia aafiaga o le COVID-19 ia latou aʻoaʻoga, e aofia ai:

  • faataitaiga tulaga ese tau aʻoaʻoga ma le aʻoaʻoina faa-Pasifika mo tamaiti aoga Pasifika ma aiga e faatino pe faaleleia atili;
  • atiae pe faalauaitele punaʻoa tau mataupu e tulaga ese mo vaega o tamaiti aoga Pasifika ma aiga; ma
  • polokalame poo poloketi e ausia ai manaoga tau aʻoaʻoga ma manaoga tau soifua manuia e lei ausia e tagata Pasifika mo tagata Pasifika lava

Aʻoaʻoga i gagana e lua e faaaogā ai gagana Pasifika ma gagana e aʻoaʻo atu ai

O aʻoaʻoga i gagana e lua o se faiga e mafai ai e tamaiti aoga ma aiga ona maua aʻoaʻoga ma aʻoaʻo faiga e ogatasi ma mataupu aʻoaʻoina aoao e auala i se gagana Pasifika. E lē aofia ai le aʻoaʻoina o se gagana Pasifika o se gagana lona lua.

Mo le Innovation Fund:

  • O aʻoaʻoga i gagana e lua o loo faaaogā ai se gagana Pasifika e aʻoaʻo atu ai pe faataunuu ai aʻoaʻoga e lē itiiti ifo ma le 50% le tele o le taimi e faaaogā ai.
  • O aʻoaʻoga e faatino i le gagana Pasifika o mananao e aʻoaʻo atu ai pe faataunuu ai aʻoaʻoga e lē itiiti ifo ma le 80% le tele o le taimi e faaaogā ai.
  • O gagana o le Pasifika e faasino i gagana o tagata moni o le eleele o atumotu o le Pasifika.

O loo iai se manatu maualuga i le Matagaluega ia manino lelei le fesootaiga o poloketi tau aʻoaʻoga i gagana e lua ma gagana e aʻoaʻo atu ai i le Te Whāriki ma le New Zealand Curriculum, i tulaga e talafeagai ai.

E maua faamatalaga i tulaga e agavaa ai ma le pepa talosaga i le itulau lenei

Tala o le Tupe (Vaevaega i Itumalo)

I le 2021, o le a mafai e faiaoga, nofoaga mo aʻoaʻoga, vaega eseese, auaunaga, ausuesue ma tomai tau aʻoaʻoga ona talosagaina fesoasoani tau tupe nei mai soo se nofoaga i totonu o Aotearoa, e tali atu ai i manaoga tau soifua manuia faalotoifale ma mataupu aʻoaʻoina mo tamaiti aoga Pasifika ma aiga ua tulai mai ma/pe ua faateteleina le faaletonu ona o le COVID-19, mai fesoasoani tau tupe e lua e pei ona faia nei: 

  1. $2.5m ua faamatuu mo faiga fou i gagana e lua e faaaogā ai le gagana Pasifika ma faiga e mafai ona aʻoaʻo i le gagana o loo mananao ai i totonu o aoga amata ma aoga; po o le
  2. $3.5m ua faamatuu mo faiga fou lautele e ausia ai manaoga tau soifua manuia ma mataupu aʻoaʻoina e fesootai ma aʻoaʻoga mo tagata Pasifika. 

E $6m e faaleoleo e maua i tausaga taitasi seia aulia le 2024.

Vaevaega o fesoasoani tupe

O loo otooto i lalo ifo le vaevaega o fesoasoani tupe: 

Itumalo

 

$3.5m mo faiga fou

$2.5m mo gagana e lua ma gagana o mananao e aʻoaʻo atu ai

Tai Tokerau

$32,270.00

$7,470.00

 

Auckland

$2,419,940.00

$2,250,000.00

Waikato

$134,100.00

$31,000.00

Bay of Plenty

$74,180.00

$17,170.00

 

Taranaki, Manawatu, Whanganui

$84,920.00

$19,660.00

 

Hawkes Bay, Tairāwhiti

$82,410.00

$19,075.00

 

Wellington

$366,790.00

$84,900.00

 

Nelson, Marlborough, West Coast

$34,710.00

$8,030.00

 

Canterbury, Chatham Islands

$188,600.00

$43,655.00

 

Otago Southland

$82,080.00

$19,000.00

  • O Fesoasoani Tupe mo Itumalo ua vaevaeina i le faitau aofai o tamaiti aoga Pasifika i le atunuu atoa.
  • E pito i maualuga le vaevaega o le fesoasoani tau tupe ua faamatuu mo Aukilani i gagana e lua e faaaogā ai le gagana Pasifika ma aʻoaʻoga e faatino i le gagana o mananao e aʻoaʻo atu ai, ma o se vaevaega e atagia ai tulaga nei i totonu o le itumalo.

Agavaa

E tatau ona e ausia tulaga o loo taʻua i lalo mo le faia o se talosaga – o tulaga nei e tatau ona faasino ia te outou:

  • Vaega poo se sui a se aoga amata, aoga ma/poo auaunaga mo aoga maualuluga faaiunivesite. E mafai ona aofia ai vaega nei:
    • Vaega o tamaiti aoga e fesootai i se aoga, aoga maualuluga faaiunivesite poo se vaega mo se ituaiga tagata/faalapotopotoga
    • Vaega o matua ma aiga e fesootai i se aoga amata, aoga maualuluga faaiunivesite poo se vaega mo se ituaiga tagata/faalapotopotoga
    • Se sui o le Kāhui Ako o fai ma sui o le cluster of schools, aoga amata ma/poo faalapotopotoga aoga maualuluga faaiunivesite
  • Vaega mo ituaiga tagata ma faalapotopotoga, e aofia ai ekalesia.
  • Ausuesue ma tomai tau aʻoaʻoga o sui o se aoga maualuga faaiunivesite poo se matātā suesue.
    • Auaunaga e saunia aʻoaʻoga ma agafesootai lautele.
  • O le vaega o loo e tuuina mai ai le talosaga o se vaega ua faatulafonoina.
  • O oe poo lau vaega foi e aofia ai se tagata ua atoa le 18 tausaga o le matua pe luga atu.
  • O oe faatasi ai ma sui o le tou vaega, o tagata sitiseni Niu Sila poo tagata nofomau ma o loo alala i Niu Sila.
  • O le a atiae ma faataunuu faiga fou i totonu o Niu Sila ma o le a lagolagoina ai tamaiti aoga ma aiga e iai tupuaga Pasifika.
  • O faiga fou ua e faailoa mai e ausia ai mataupu aʻoaʻoina e fesootai ma aʻoaʻoga ma/poo manaoga tau soifua manuia o tamaiti aoga.
  • Soo se oloa poo punaʻoa na atiae mai le fesoasoani tupe o le a tuuina atu fua i tamaiti aoga Pasifika ma o latou aiga.
  • E lē o iai ni faaletonu tau tupe, tau tulafono poo isi faaletonu o loo tau faasagatonu i le taimi nei (mo se faataitaiga gaumativa, faaletonu tau tulafono ma isi).

Mo le Bilingual ma le Immersion fund, o le a ave le faamuamua ia i latou o loo iai i le taimi nei se sootaga ma se aoga amata poo se aoga o loo faaaogā ai le gagana Pasifika o se tasi o gagana e lua ma aʻoaʻo atu ai polokalame tau aʻoaʻoga, e aofia ai talosaga mai vaega mo ituaiga tagata.

E mafai e auaunaga o loo iai i le taimi nei konekarate ma le Matagaluega ma auaunaga e lē o iai i le taimi nei konekarate ma le Matagaluega ona talosaga mo fesoasoani tau tupe.

O i latou ua faamanuiaina talosaga mo fesoasoani tau tupe i le 2020/21 e agavaa mo le toe faia o se isi talosaga.

O le faagasologa o le iloiloga o talosaga e aofia ai le silasila totoʻa i taumafaiga na ausia mai le vaega tupe na tuuina atu i le vaega muamua. O le a moomia lou faailoa mai i lau pepa talosaga faamatalaga i le fesoasoani tupe na tuuina atu.

E leai se tapulaa o le aofaiga o talosaga e mafai ona e tuuina mai.

E mafai e i latou o loo faia talosaga ona talosaga foi mai isi itumalo mo le poloketi lava e tasi ae tatau ona faia i se isi pepa talosaga mo itumalo taitasi o loo aofia i le poloketi lava e tasi.

E mafai ona e talosaga e tuu atu i tua le taimi e faamaeʻa ai pe toe atiae atili ai lau poloketi o loo faia i le taimi nei. O le a moomia lou faailoa mai i lau pepa talosaga faamatalaga i le fesoasoani tau tupe na tuuina atu mo lau poloketi.

E lē mafai ona faatupe e le Innovation Fund vaega nei o taʻua i lalo: 

  • Meafai ua maeʻa ona faatupeina le faataunuuina e aoga amata, aoga ma aoga maualuluga faaiunivesite (meafai o loo faatino saʻo lava e aoga amata, aoga ma aoga maualuluga faaiunivesite)
  • Meafai e maua ai polofiti ma/poo soo se sailiga tupe mo meafai
  • O polokalame ma meafai o loo faia i atunuu mamao, e aofia ai atunuu o le Malo o le Taupulega
  • Atinae tetele poo aseta
    • O le a lē faatupeina e le fesoasoani tau tupe masini; e ono faataga e le Matagaluega o Aoga le lisi o mea e talafeagai ona faaaogā (mo se faataitaiga o laptops) e pei ona finagalo i ai
  • Femalagaiga i atunuu mamao.

Tulaga e iloilo ai talosaga

O le a iloilo talosaga ua agavaa i tulaga o loo taʻua i lalo:

  • Faamaoniaga o loo tali atu le poloketi i manaoga o tamaiti aoga Pasifika ma amanaia manaoga e fesootai ma aʻoaʻoga ua tulai mai talu ai pe ua faateteleina le faaletonu ona o le COVID-19
  • O le a mafai ona maua suiga lelei mo tamaiti aoga Pasifika mai faiga fou ua e saunia
  • Faamaoniaga o lou gafatia/tomai e faataunuu ai le poloketi ua faailoa
  • Se tala o tupe e aofia ai punaʻoa ua lava ma totoe ma iloa ai le aogā tau tupe

Matou te fia iloa pe faapefea i faiga fou o le a e atiaeina ona lagolagoina aʻoaʻoga mo tamaiti Pasifika ma aiga i nisi o tulaga nei:

A lē

  • Faataunuuina faiga fou tau aʻoaʻoga e ausia ai le soifua manuia ma manaoga i mataupu aʻoaʻoina o tamaiti aoga Pasifika ma aiga ua aliae mai ma/pe ua faateteleina le faaletonu ona o le COVID-19. O faiga fou e atagia ai le atamai, ma auala fou eseese e ausia ai manaoga tau aʻoaʻoga mo tagata o loo faia i ai la outou auaunaga

PE

  • Faataunuuina faiga fou tau aʻoaʻoga i gagana e lua e faaaogā ai le gagana Pasifika ma gagana o mananao e aʻoaʻo atu ai i galuega e tali atu ai i le COVID-19

O itu nei o loo matou fia iloa:

  • O ā faiga fou e uiga i lau poloketi
  • E faapefea ona ausia e lau poloketi manaoga tau aʻoaʻoga o tamaiti aoga ua afaina talu ai le COVID-19
  • E faapefea ona fesootai lau poloketi ma tamaiti aoga Pasifika ma aiga ma e faapefea ona maua ai suiga lelei
  • O le ā sau galuega e faatino e faataunuu ai lau poloketi
  • E faapefea ona maua punaʻoa mo lau poloketi ma faaopoopo nisi aogā i tamaiti aoga Pasifika

Mataituina ma lipotia

O le a moomia le saunia o se lipoti i tulaga alualu i luma ua ausia e le poloketi. O le a maua i se isi taimi faamatalaga i tulaga e tatau ona lipotia mo talosaga ua faamanuiaina.

Additional Information