Home About
O le COVID-19 ua atili faafaigata ai tulaga o feagai ma nisi o tamaiti aoga Pasifika ma aiga, e aofia ai le faamamafa o tulaga tau soifua manuia ma le gafatia ona fesootai i totonu o aʻoaʻoga.

Pacific Education Support Fund

O le tele o vaega lautele ma auaunaga mo le Pasifika o loo galulue e lagolago tamaiti aoga Pasifika ma aiga ia auai i aʻoaʻoga i le vaitaimi o faia ai galuega e tali atu ai ma toe faafoisia ai le malosi mai le COVID-19, ma faamautinoa le maua e tamaiti aoga Pasifika ma aiga auaunaga ma fesoasoani latou te moomia.

O le Pacific Education Support Fund na o faalapotopotoga ma vaega o loo faatinoa auaunaga e fesoasoani ai i tamaiti aoga ma o latou aiga ia ausia manaoga e fesootai ma aʻoaʻoga ma le soifua manuia talu ona tulai mai ma/pe mafua ona o le COVID-19. O manaoga e fesootai i aʻoaʻoga ma fesoasoani e tatau ona faataunuu e mautinoa lelei ai o fesootai tamaiti aoga Pasifika i totonu o aʻoaʻoga e aogā. E aofia ai fesoasoani i sootaga e maua ai le soifua manuia ma atiae ai sootaga aogā. O faataitaiga i faiga e faatino ma e mafai ona aofia ai auala nei:

  • Atinaega o sootaga i le va o aiga Pasifika ma nofoaga mo aʻoaʻoga i le faia lea o fesootaiga ma lagolagoina aiga ma tamaiti aoga e fesootai.
  • Fesootai tamaiti aoga Pasifika ma aiga i auaunaga saʻo ma talafeagai e maua ai fesoasoani i manaoga e fesootai ma aʻoaʻoga, mo se faataitaiga fesoasoani i aʻoaʻoga e faatino i potuaoga ma maua aʻoaʻoga faifaipea ma alafua i aʻoaʻoga e aʻoaʻo atu ai tomai.
  • Lagolagoina le toe faia o aʻoaʻoga i totonu o aoga poo aoga amata, ma saili aʻoaʻoga e saʻo ma talafeagai ma alafua i aʻoaʻoga e aʻoaʻo ai tomai.
  • Lagolagoina le auai i aoga ma fesootaiga mo tamaiti aoga Pasifika.

O le Pacific Education Support Fund o se vaega o le COVID-19 Response and Recovery Fund ma o loo faaaogā ai le $39.7m i le fa tausaga (2020/21 i le 2023/24) e faamaʻoti ai fesoasoani mo tamaiti aoga Pasifika ma aiga ia maua aʻoaʻoga.

E maua faamatalaga i tulaga e agavaa ai ma le pepa talosaga i le itulau lenei

Tala o le Tupe (Vaevaega i Itumalo)

E $6m o le a faamatuu atu i itumalo e lima i totonu o le 2021/22. E leai se maualuga faatapulaa o fesoasoani tupe e mafai ona e talosaga mai ai, ae e lē tatau ona silia ma le aofaiga ua faamatuu atu ma le itumalo o loo e talosaga mai ai. O le vaevaega lenei o le fesoasoani tupe:

  • $4m mo Aukilani
  • $344,000 mo Waikato
  • $211,000 mo Hawke’s Bay-Tairāwhiti
  • $941,000 mo Ueligitone
  • $484,000 mo Canterbury ma le Chatham Island

O le fesoasoani tupe ua vāea mo Aukilani ua talafeagai ma le toatele o tamaiti aoga Pasifika i totonu o le itumalo ma aafiaga ua tulai mai i suiga i vaega o Lapataiga o le COVID-19.

O itumalo nei e lima e toatele ai le faitau aofai o tamaiti aoga Pasifika, ma e fua i le pasene ma le aofaiga atoa o tamaiti aoga Pasifika – atoa ai ma tulaga e lē saʻo ma talafeagai i totonu o itumalo.

Agavaa

Mo le faia o se talosaga i fesoasoani tau tupe ua saunia nei, e tatau ona faamalieina aiaiga o taʻua i lalo:

  • O outou o se faalapotopotoga, aulotu poo se auaunaga tau agafesootai o loo faatautaia galuega i totonu o itumalo nei: Aukilani, Waikato, Hawke’s Bay-Tairāwhiti, Ueligitone poo Canterbury ma le Chatham Islands
  • O le tou vaega o se faalapotopotoga ua faatulafonoina ma e iai se teugatupe i se faletupe i lalo o le igoa o le faalapotopotoga na faatulafonoina ai
  • O oe faatasi ai ma sui o le tou vaega, o tagata sitiseni Niu Sila poo tagata nofomau ma o loo alala i Niu Sila
  • O le a atiae ma faataunuu lau poloketi i se tasi o itumalo e lima o loo taʻua i luga ma o le a lagolagoina tamaiti aoga ma aiga o tupuaga Pasifika ia maua auaunaga ma fesoasoani ma auai i aʻoaʻoga
  • Soo se oloa poo punaʻoa na atiae mai le fesoasoani tupe o le a tuuina atu fua i tamaiti aoga Pasifika ma o latou aiga
  • E lē o iai ni faaletonu tau tupe/tulafono o loo tau faasagatonu i le taimi nei (mo se faataitaiga gaumativa, faaletonu tau tulafono ma isi)

E mafai e auaunaga o loo iai i le taimi nei konekarate ma le Matagaluega ma auaunaga e lē o iai i le taimi nei konekarate ma le Matagaluega ona talosaga mo fesoasoani tau tupe.

O auaunaga na faamanuiaina i le fesoasoani tau tupe na faia i le 2020/21 e agavaa mo le toe faia o se isi talosaga. O le faagasologa o le iloiloga o talosaga e aofia ai le silasila totoʻa i taumafaiga na ausia mai le vaega tupe na tuuina atu i le vaega muamua. O le a moomia lou faailoa mai i lau pepa talosaga faamatalaga i le fesoasoani tau tupe na tuuina atu.

E mafai ona e talosaga e tuu atu i tua le taimi e faamaeʻa ai pe toe atiae atili ai lau poloketi o loo faia i le taimi nei. O le a moomia lou faailoa mai i lau pepa talosaga faamatalaga i le fesoasoani tau tupe na tuuina atu mo lau poloketi.

Na o le tasi lava le talosaga mo le itumalo e tuuina mai e le vaega o loo taitaia le talosaga mo le Support Fund. E mafai ona sili atu ma le tasi se talosaga i lou tulaga o se tasi o paaga poo se sui lagolago; peitai, e lē mafai e auaunaga ona faia le tele o talosaga i se itumalo i lou tulaga o se tasi o auaunaga/vaega o loo taitaia se poloketi.

E lē faatupeina e le Pacific Education Support Fund vaega nei o taʻua i lalo: 

  • E lē agavaa aoga amata, aoga ma faalapotopotoga faaiunivesite mo le Pacific Education Support Fund ae agavaa mo le Pacific Education Innovation Fund, e maua i le itulau lenei.
  • Meafai ua maeʻa ona faatupeina le faataunuuina e aoga amata, aoga ma aoga maualuluga faaiunivesite (meafai o loo faatino saʻo lava e aoga amata, aoga ma aoga maualuluga faaiunivesite).
  • O meafai e maua ai polofiti ma/poo soo se meafai e saili ai tupe mo auaunaga, mo se faataitaiga e faaaogā le fesoasoani tupe e faatupe ai sailiga tupe.
  • Faatino galuega e lē tutusa ma tulaga o loo ave i ai le faamuamua o le fesoasoani tau tupe lenei.
  • O polokalame ma meafai o loo faia i atunuu mamao, e aofia ai atunuu o le Malo o le Taupulega.
  • Atinae tetele poo tupe faaalu
    • O le a lē faatupeina e le fesoasoani tau tupe masini; e ono faataga e le Matagaluega o Aoga le lisi o mea e talafeagai ona faaaogā (mo se faataitaiga o laptops) e pei ona finagalo i ai.
  • Femalagaiga i atunuu mamao.

Tulaga e iloilo ai talosaga

O le a iloilo talosaga ua agavaa i tulaga o loo taʻua i lalo:

  • Faiga e ausia ai e le talosaga le auga faavae o le Fund
  • Faamaoniaga o loo tali atu le poloketi i manaoga o tamaiti aoga Pasifika ma amanaia manaoga e fesootai ma aʻoaʻoga ua tulai mai talu ai pe ua faateteleina le faaletonu ona o le COVID-19
  • Faamaoniaga o lou gafatia/tomai e faataunuu ai le poloketi ua faailoa
  • Lava ma totoe punaʻoa mo lau poloketi e faaopoopo ai isi aogā mo tamaiti aoga Pasifika ma o latou aiga

O itu nei matou te mananao i ai:

  • Galuega faatino o le a faia e lau poloketi, e aofia ai suiga lelei o le a maua e tamaiti aoga Pasifika ma aiga
  • Faapefea ona ausia e le poloketi manaoga e fesootai ma aʻoaʻoga mo tamaiti aoga Pasifika ma aiga
  • O ai tamaiti aoga ma aiga o le a lagolagoina e lau poloketi
  • O le ā se tele o le fesoasoani tau tupe o tou talosagaina

Mataituina ma lipotia

O le a moomia le saunia o se lipoti i tulaga alualu i luma ua ausia e le poloketi. O le a maua i se isi taimi faamatalaga i tulaga e tatau ona lipotia mo talosaga ua faamanuiaina.

Additional Information